استعفیٰ عمران کا آخری سرپرائز ہے، اپوزیشن

فائل فوٹو

وزیر اعظم عمران خان کے بیان پر ترجمان نون لیگ مریم اورنگزیب نے کہا ہے کہ عمران صاحب کا آخری کارڈ اور سرپرائز ان کا استعفیٰ ہے۔

مسلم لیگ نون کی ترجمان کا کہنا ہے کہ دھمکیاں نہ دیں بلکہ 172 ارکان پورے کریں۔

دوسری جانب پیپلز پارٹی کے رہنما فیصل کریم کنڈی نے کہا ہے کہ عمران خان مستعفی ہونے کا سرپرائز دے سکتے ہیں، یا شاید عمران خان کو آئی ایم ایف کے پاس نہ جانے کا وعدہ یاد آیا ہے۔

پاکستان ڈیموکریٹک موومنٹ ( پی ڈی ایم) کے ترجمان حافظ حمد اللہ نے کہا ہے کہ عمران نیازی کے ہاتھ میں استعفیٰ دینے کے سوا کوئی اور کارڈ نہیں ہے۔

خیال رہے کہ وزیر اعظم عمران خان نے وزیر اعظم ہاؤس میں صحافیوں سے گفتگو کرتے ہوئے کہا تھا کہ کیا چوروں کے دباؤ پر استعفیٰ دے دوں؟ حکومت چھوڑنے کیلئے تیار ہوں لیکن انہیں استعفیٰ نہیں دوں گا۔

وزیر اعظم کا کہنا تھا کہ حکومت گر بھی گئی تو چپ نہیں بیٹھوں گا، لڑائی ہونے دیں وقت بتائے گا استعفیٰ کون دے گا؟ ووٹنگ سے ایک دن پہلے اپوزیشن کو سرپرائز دوں گا۔




Source link

About Daily Multan

Check Also

پی ٹی آئی اجلاس: اسمبلیوں سے مستعفی ہونے کیلئے آئینی مرحلے پر بریفنگ

پاکستان تحریک انصاف (پی ٹی آئی) کے چیئرمین عمران خان کی زیر صدارت مشاورتی اجلاس …

Leave a Reply

Your email address will not be published. Required fields are marked *