بھانجے کیلئے رشتے سے انکار، بہاولنگر میں شہری کا سالی پر حملہ، خود کو بھی” سزا” دے ڈالی 

بہاولنگر (ویب ڈیسک) بہاولنگر میں ایک شخص نے بھانجے کو رشتہ دینے سے انکار کر اپنی سالی پر تیز دھار آلے سے حملہ کرنے کے بعد  خود کشی کر لی۔

جیو نیوز کے مطابق فقیر والی میں بہنوئی نے چھریوں کے وار کرکے سالی کو زخمی کیا، سالی کو زخمی کرنے کے بعد ملزم نے زہریلی چیز کھا کر مبینہ طور پر خودکشی کر لی۔پولیس کا کہنا ہے کہ لاش کو پوسٹ مارٹم کے لیے رورل ہیلتھ سینٹر فقیر والی منتقل کر دیا گیا ہے جبکہ زخمی لڑکی کو بہاولپور وکٹوریہ ہسپتال منتقل کر دیا گیا ہے۔

پولیس حکام کا کہنا ہے کہ ہلاک ملزم سالی کی شادی اپنے بھانجے سے کروانا چاہتا تھا اور اسے رشتہ نہ دینے کا رنج تھا، مقدمہ درج کر کے کارروائی کا آغاز کر دیا گیا ہے۔

مزید :

علاقائی –پنجاب –بہاول نگر –