جب کارتک آریان سیلفی لینے کیلئے شاہ رخ کے گھر پہنچے

فوٹو: فائل

بھارتی اداکار کارتک آریان نے انکشاف کیا ہے کہ وہ شاہ رخ خان کے مداح ہیں اور کنگ خان وہ واحد سیلیبریٹی ہیں جن کے ہمراہ انہوں نے سیلفی لی ہے۔ 

 کارتک نے اس واقعے سے متعلق بتایا کہ یہ واقعہ اس وقت پیش آیا تھا جب وہ پہلی مرتبہ ممبئی آئے تھے۔ 

بالی ووڈ ہنگامہ سے بات کرتے ہوئے کارتک نے کہا کہ جب میں پہلی مرتبہ ممبئی آیا تو میں بطور مداح شاہ رخ خان کے گھر منت کے باہر پہنچا۔ 

انہوں نے بتایا کہ اس بارے میں کہا جاتا تھا کہ شاہ رخ خان اتوار کے روز گھر کے باہر آتے ہیں اور مداحوں کے لیے ہاتھ بھی ہلاتے ہیں۔ 

اداکار کا کہنا تھا کہ جس دن وہ وہاں گئے اس وقت شاہ رخ ہجوم کے بیچ میں سے گزر رہے تھے تو اس وقت مجھے ان کے ساتھ تصویر لینے کا موقع ملا۔ 

جب ان سے سوال کیا گیا کہ آپ نے کبھی اس واقعے کے بارے میں شاہ رخ خان کو بتایا تو انہوں نے جواب دیا کہ نہیں، انہوں نے کبھی شاہ رخ کو یہ نہیں بتایا۔ 




Source link

About Daily Multan

Check Also

بچے کی تصویر شیئر کرنے پر عالیہ کی پوسٹ پر مداحوں کے دلچسپ تبصرے

فوٹو: سوشل میڈیا بھارتی اداکارہ عالیہ بھٹ نے سوشل میڈیا پر ایک بچے کی تصویر …

Leave a Reply

Your email address will not be published.