حبا بخاری نے لڑکیوں کو ’جوائنٹ فیملی‘ میں رہنے کا طریقہ بتا دیا

حبا بخاری، فائل فوٹو

پاکستانی شوبز انڈسٹری کی معروف اداکارہ حبا بخاری نے لڑکیوں کو شادی کے بعد ’جوائنٹ فیملی‘ میں رہنے کا طریقہ بتادیا۔

حبا بخاری آج کل میزبان و اداکار نادیہ خان کے ساتھ ایک ڈارامے کی شوٹنگ میں مصروف ہیں، اس ڈرامے کی شوٹنگ کے دوران سیٹ پر نادیہ خان نے حبا کے ساتھ دلچسپ ویڈیو بنائی۔

نادیہ خان نے اس ویڈیو کو اپنے یوٹیوب چینل ’آؤٹ اسٹائل‘ پر شیئر کیا ہے، اس ویڈیو میں نادیہ نے حبا سے ان کی شادی کے بعد زندگی میں آنے والی تبدیلیوں کے بارے میں پوچھا۔

نادیہ خان نے حبا بخاری سے پوچھا کہ ’وہ اپنے سسرال میں جوائنٹ فیملی میں رہتی ہیں تو ان کے گھر میں کتنے افراد ہیں اور وہ اس حوالے سے باقی لڑکیوں کو کیا مشورہ دینا چاہیں گی؟‘

حبا بخاری نے اس سوال کے جواب میں کہا کہ’ان کے سسرال میں ساس، سسر اور آریز کے بھائی رہتے ہیں اور ان کا ہر ایک کے ساتھ الگ نوعیت کا تعلق ہے۔

اُنہوں نے بتایا کہ’جب ان کی شادی ہوئی تو سب نے اُنہیں پرائیویسی دی، اگر ان کا کمرہ بند ہوتا تو کوئی کھولتا نہیں تھا، ان کی چیزوں کو کوئی ہاتھ نہیں لگاتا تھا، یہاں تک کے وہ اگر فریج میں بھی کھانے کو کچھ رکھیں تو وہ ویسے ہی پڑا ہوا ملتا‘۔

اُنہوں نے مزید بتایا کہ’شادی کے بعد ہم گھومنے چلے گئے تھے، تو اُنہوں نے نوٹس کیا کہ کوئی ان کے پاس نہیں آتا تھا جس کے بعد اُنہوں نے خود سب سے بات کرنا شروع کی اور کہا کہ بات کرلیا کریں اور ان کے کمرے میں بھی آسکتے ہیں اور اُنہوں نے اپنے کمرے کا دروازہ بند کرنا بھی  چھوڑ دیا‘۔

حبا بخاری نے کہا کہ’ اُنہیں پتا ہے کہ پرائیویسی اہم ہے لیکن اس کا یہ مطلب نہیں کہ آپ سسرال جائیں اور کہیں کہ یہ پورا علاقہ صرف آپ کا ہے‘۔

اُنہوں نے مزید کہا کہ’ نہیں بلکہ باقی پورا گھر اور گھر کے لوگ بھی آپ کے ہی ہیں‘۔

اُنہوں نے اپنی بات کو مکمل کرتے ہوئے کہا کہ’ان کے ایسا کرنے سے ان کے سسرال والوں نے اُنہیں بہت عزت دی‘۔




Source link

About Daily Multan

Check Also

بنگلادیش اور روہنگیا مہاجرین کیخلاف تقریر پر پریش راول کیخلاف مقدمہ درج

فائل فوٹو بھارتی سیاستدان و اداکار پریش راول کے خلاف بنگلادیشی اور روہنگیوں سے متعلق …

Leave a Reply

Your email address will not be published. Required fields are marked *