رمیش کمار نے شہباز گل کے خلاف ایف آئی اے کو درخواست جمع کروادی


پاکستان تحریک انصاف کے رہنما و رکن قومی اسمبلی رمیش کمار نے وزیر اعظم کے معاون خصوصی برائے سیاسی ابلاغ ڈاکٹر شہباز گل کے خلاف ایف آئی اے کو درخواست جمع کروادی ہے۔

ٹی وی پروگرام میں گالم گلوچ اور ہتک آمیز زبان  استمال کرنے کے معاملے پر  رمیش کمار نے شہباز گل کے خلاف پیکا ایکٹ کے تحت کارروائی کرنے کی استدعا کی ہے۔

رمیش کمار نے کہا کہ شہباز گل نے ٹی وی پروگرام میں گالم گلوچ، ہتک آمیز الفاظ استعمال کیے، میرا فون نمبر پی ٹی آئی کارکنوں کو دیا گیا، کارکن کالز کرکے دھمکیاں دے رہے ہیں۔

رکن قومی اسمبلی نے کہا کہ کچھ پی ٹی آئی کارکنان پارلیمنٹ لاجز بھی گئے، پی ٹی آئی کارکنوں نے ریسپشن سے فون کرکے میری اہلیہ کو دھمکیاں دیں۔

رمیش کمار نے اپنی درخواست میں کہا کہ شہباز گل کے اس اقدام سے میری اور میرے خاندان کی زندگی کوخطرات لاحق ہیں، مجھےاپنےخاندان کو سندھ ہاؤس منتقل کرنا پڑا، سندھ ہاؤس پر بھی پی ٹی آئی کارکنان حملہ کرچکے ہیں۔

انہوں نے کہا کہ شہباز گل کے خلاف پیکا ایکٹ کے تحت کارروائی کی جائے۔




Source link

About Daily Multan

Check Also

اسلام آباد کا نجی مال سیل کردیا گیا

اسلام آباد کے نجی مال کو سیل کر کے دروازے پر نوٹس لگا دیا گیا۔ …

Leave a Reply

Your email address will not be published. Required fields are marked *