زرداری کی ضمانت منظوری کا تفصیلی فیصلہ جاری

سابق صدرِ پاکستان آصف علی زرداری —فائل فوٹو

اسلام آباد کی احتساب عدالت نےجعلی اکاؤنٹس کیسز میں نیو یارک اپارٹمنٹس پر نیب انکوائری میں پاکستان پیپلز پارٹی کے شریک چیئرمین، سابق صدرِ پاکستان آصف علی زرداری کی ضمانت منظور کرنے کا تفصیلی فیصلہ جاری کر دیا۔

تفصیلی فیصلے کے مطابق احتساب عدالت اسلام آباد کے جج محمد بشیر نے آصف زرداری کو طبی بنیادوں پر ضمانت دی ہے۔

تفصیلی فیصلے میں کہا گیا ہے کہ آصف علی زرداری کو صحت کے مسائل کی وجہ سے کیس میں مستقل ضمانت دی جاتی ہے۔

احتساب عدالت کا اپنے تفصیلی فیصلے میں کہنا ہے کہ آصف زرداری کے خلاف نیو یارک پراپرٹی کیس انکوائری کے مرحلے میں ہے۔

تفصیلی فیصلے میں عدالت نے کہا ہے کہ نیب کا کیس میں آصف زرداری کے خلاف شواہد اکٹھے کرنا ابھی باقی ہے۔

جاری کیے گئے تفصیلی فیصلے میں مزید کہا گیا ہے کہ نیب ٹھوس شواہد پر سابق صدر آصف زرداری کی ضمانت منسوخی کی درخواست دے سکتا ہے۔

احتساب عدالت کا اپنے تفصیلی فیصلے میں یہ بھی کہنا ہے کہ نیب کو آصف زرداری کے خلاف اثاثوں کی شکایات 2018ء اور 2019ء میں موصول ہوئی تھیں۔




Source link

About Daily Multan

Check Also

چیرٹی دینے والوں کو پتا نہیں تھا کہ پیسہ پی ٹی آئی کو ملا، سائمن کلارک

پی ٹی آئی فارن فنڈنگ سے متعلق خبر دینے والے فائنشل ٹائمز کے صحافی سائمن …

Leave a Reply

Your email address will not be published.