سبی گزشتہ روز گرم ترین شہر رہا


محکمۂ موسمیات نے بتایا ہے کہ گزشتہ روز سبی ملک کا گرم ترین شہر رہا، جہاں درجۂ حرارت 47 ڈگری سینٹی گریڈ ریکارڈ کیا گیا۔

ادھر بلوچستان کے دارالحکومت وادیٔ کوئٹہ اور گرد و نواح میں مطلع صاف، موسم خشک اور معتدل ہے۔

بلوچستان کے شمال اور شمالی مشرقی و مغربی علاقوں میں موسم معتدل ہے جبکہ بیشتر علاقوں میں مطلع صاف، موسم خشک اور گرم ہے۔

کوئٹہ میں آج کم سےکم درجۂ حرارت 16 ڈگری سینٹی گریڈ ریکارڈ کیا۔

زیارت میں 7، مستونگ اور پشین میں 14 اور قلات میں درجۂ حرارت 16 ڈگری سینٹی گریڈ ریکارڈ ہوا۔

آج بلوچستان کے بیشتر علاقے شدید گرمی کی لپیٹ میں رہیں گے، جہاں دن میں درجۂ حرارت 6 سے 8 ڈگری سینٹی گریڈ معمول سے زیادہ رہنے کا امکان ہے۔

محکمۂ موسمیات نے بتایا ہے کہ ملک کے سب سے بڑے شہر کراچی میں آئندہ 24 گھنٹوں کے دوران موسم گرم اور خشک رہنے کا امکان ہے۔

شہرِ قائد کا کم سے کم درجۂ حرارت 27 ڈگری سینٹی گریڈ ریکارڈ کیا گیا جبکہ زیادہ سے زیادہ درجۂ حرارت 35 سے 37 ڈگری سینٹی گریڈ رہنے کا امکان ہے۔

کراچی میں جنوب مغرب کی سمت سے ہلکی ہوائیں چل رہی ہیں، جن میں نمی کا تناسب 60 فیصد ریکارڈ کیا گیا ہے۔

محکمۂ موسمیات کے مطابق دوپہر تک شہر میں ہواؤں کی رفتار 18 سے 27 کلو میٹر فی گھنٹہ رہنے کا امکان ہے۔




Source link

About Daily Multan

Check Also

بلاول کیخلاف نا زیبا الفاظ، شیخ رشید پر کراچی میں مقدمہ درج

سابق وفاقی وزیرِ داخلہ، عوامی مسلم لیگ کے گرفتار سربراہ شیخ رشید کے خلاف کراچی میں …

Leave a Reply

Your email address will not be published. Required fields are marked *