فواد خان اور صنم سعید نے 9 سال بعد ایک ساتھ پھر سے اینٹری مار دی، کس ویب سیریز کا حصہ بننے جا رہے ہیں؟ جانئے

فواد خان اور صنم سعید نے 9 سال بعد ایک ساتھ پھر سے اینٹری مار دی، کس ویب سیریز …

لاہور  (ویب ڈیسک) ڈراما سیریل ’’زندگی گلزار ہے‘‘ کی مشہور جوڑی فواد خان اور صنم سعید تقریباً 9 سال بعد بھارتی ویب سیریز میں سکرین پر دوبارہ نظر آئیں گے۔

تقریباً 9 برس قبل 2012 میں نشر ہونے والےڈرامے ’’زندگی گلزار ہے‘‘ میں فواد خان اور صنم سعید کی اداکاری کو بے حد سراہا گیا تھا۔ یہ ڈراما 2014 میں بھارتی چینل زی زندگی پر بھی دکھایا گیا تھا اور اسی وقت سے فواد خان اور صنم سعید بھارتی شائقین کے دلوں پر راج کررہے ہیں۔

بھارت میں بے تحاشہ مقبولیت کے بعد صنم سعید اور فواد خان اب ایک بار پھر بھارتی او ٹی ٹی پلیٹ فارم زی 5 کے لیے تیار ہونے والی ویب سیریز میں نظر آئیں گے۔ یہ اعلان زندگی چینل کے آفیشل انسٹاگرام اکاؤنٹ پر فواد خان اور صنم سعید کی تصویر کو شیئر کرتے ہوئے کیا گیا ہے۔

حالانکہ اس ویب سیریز کا ابھی تک نام منظرعام پر نہیں آیا ہے لیکن اس کی ہدایت کاری عاصم عباسی دیں گے جنہوں نے اس سے قبل ویب سیریز’’چڑیلز‘‘ کی ہدایات بھی دی تھیں۔

رپورٹس کے مطابق ویب سیریز کی شوٹنگ پاکستانی علاقے وادی ہنزہ میں شروع ہوچکی ہے۔ ویب سیریز میں فواد خان ایک ایسے والد کا کردار ادا کررہے ہیں جو اپنے بچے کو اکیلے ہی پالتا ہے اور اپنے پاس موجود چیز کو کھونے کے احساس جرم میں جیتا ہے۔ فواد خان کے ہمراہ اداکارہ صنم سعید مرکزی کردار میں نظر آئیں گی۔

اداکار فواد خان نے ویب سیریز کی کہانی پر بات کرتے ہوئے زندگی نیٹ ورک کی جانب سے لیے گئے بولڈ اور جرات مندانہ فیصلے کی تعریف کی۔

مزید :

تفریحعلاقائیپنجابلاہور




Source link

About Daily Multan

Check Also

  عید الاضحیٰ صفائی آپریشن،ایل ڈبلیو ایم سی کے 19ہزار ملازمین کی چھٹیاں منسوخ،ماحول دوست بیگز کی فراہمی کیئیےماڈل کیمپ لگیں گے

  عید الاضحیٰ صفائی آپریشن،ایل ڈبلیو ایم سی کے 19ہزار ملازمین کی چھٹیاں …    …

Leave a Reply

Your email address will not be published.