فیصل جاوید کا منحرف ارکان کو ہوش کے ناخن لینے کا مشورہ

فوٹو: فائل

حکمران جماعت تحریک انصاف کے سینیٹر فیصل جاوید نے اپنی پارٹی کے منحرف ارکان پارلیمنٹ کو ہوش کے ناخن لینے کا مشورہ دے دیا۔

سوشل میڈیا پر جاری بیان میں فیصل جاوید نے کہا کہ منحرف اراکین ہوش کے ناخن لیں، ضمیر فروشی سے اپنی سیاست کو ہمیشہ کے لیے ختم نہ کریں۔

انہوں نے کہا کہ صبح کا بھولا اگر شام کو واپس آجائے تو اسے بھولا نہیں کہتے ہیں، منحرف اراکین ضمیر فروشی سے اپنی سیاست ہمیشہ کے لیےختم کر رہے ہیں۔

پی ٹی آئی سینیٹر نے مزید کہا کہ ابھی کافی دن ہیں، عوام میں ذلت سے بہتر ہے، منحرف اراکین حق کے راستے پر آئیں۔

اُن کا کہنا تھا کہ منحرف اراکین سیاسی یتیم ہونے سے بچیں، پی ٹی آئی کے ارکان باطل کو رد کردیں اور اگر پیسے لیے ہیں تو اس سے یتیم خانے کھول دیں۔

فیصل جاوید نے یہ بھی کہا کہ اب تو عدم اعتماد میں وزیراعظم عمران خان کی فتح یقینی ہوگئی ہے۔




Source link

About Daily Multan

Check Also

عمران اسماعیل نے سعد رفیق اور رانا ثناء اللہ کو جھوٹا قرار دے دیا

پی ٹی آئی کے رہنما عمران اسماعیل نے سعد رفیق اور رانا ثناء اللہ کو …

Leave a Reply

Your email address will not be published. Required fields are marked *