محبوبہ  کو خوش کرنے کے لیے اسلحہ کی نمائش کرتے نوجوان  کے ہاتھوں سے گولی چل گئی، ملزم نے ساری کہانی خود ہی بیان کردی

لاہور(ڈیلی پاکستان آن لائن) ہربنس پورہ کے علاقہ میں نوجوان کے ہاتھوں اچانک گولی چلنے سے 19 سالہ لڑکی جان کی بازی ہارگئی۔

تفصیلات کے مطابق طاہر اپنی محبوبہ بسمہ کے ہمراہ اپنے دوست کے گھر گئے جہاں انہوں نے شیشہ پینا شروع کردیا،اس دوران طاہر نے اپنی محبوبہ کو خوش کرنے کے لیے پستول نکال لیا کہ اس دوران اچانک گولی چل گئی جس سے بسمہ موقع پر ہی چل بسی۔پولیس کے مطابق مقتولہ کی نعش مردہ خانے جمع کرواتے ہوئے ملزم کو گرفتار کرلیا گیا ہے۔ ملزم نے اعتراف جرم کرتے ہوئے کہا ہے کہ اس نے مذاق میں لڑکی کو خوش کرنے کے لیے پستول نکالا کہ اس دوران گولی چل گئی۔

لاہور ہربنس پورہ میں محبوب کو ہیرو گیری مہنگی پڑگئی۔ شوبازی کرتے ہوئے گولی چلنے سے19 سالہ بسمہ موقع پر چل بسی۔#Lahore pic.twitter.com/DbzGevdela

— Crime World (@CrimeWorld5) November 16, 2021

مزید :

جرم و انصاف –علاقائی –پنجاب –لاہور –