ملک بھر میں عیدالفطر آج منائی جارہی ہے


گِلے شکوے بھلا کر گلے ملنے اور مبارکباد دینے کا دن آگیا۔ ملک بھر میں عیدالفطر آج مذہبی عقیدت اور جوش و جذبے کے ساتھ منائی جارہی ہے۔

کراچی، اسلام آباد، پشاور اور کوئٹہ سمیت ملک کے تمام چھوٹے بڑے شہروں میں مساجد، عیدگاہوں اور کھلے میدانوں میں نماز عید کے اجتماعات میں ملکی سلامتی، ترقی اور بقاء کے لیے دعائیں کی گئیں۔ اس موقع پر مقبوضہ کشمیر اور فلسطین کے لئے بھی خصوصی دعائیں کی گئیں۔

نماز عید کی ادائیگی کے بعد شہریوں کا اپنے مرحومین کی قبروں پر حاضری کے لئے جانے کا سلسلہ بھی جاری ہے۔

عیدالفطر کے موقع پر تمام شہروں میں سیکورٹی کے سخت انتظامات کئے گئے ہیں۔ مختلف شہروں میں چاند رات کے موقع پر دیر رات تک بازاروں میں رش رہا۔

صدر مملکت عارف علوی نے عیدالفطر پر پیغام میں کہا کہ عید کا دن خوشیاں بانٹنے اور اپنے معاشرے کے محروم طبقے کے لیے ایثار و قربانی کا دن ہے۔ عید کی حقیقی خوشی تب ہی مل سکتی ہے جب ہم دوسروں کو بھی اپنی خوشیوں میں شریک کریں۔

وزیراعظم شہباز شریف نے عید پر قوم کو مبارک باد دیتے ہوئے کہا عیدالفطر کی خوشیاں مناتے ہوئے نادار و مفلس اور ضرورت مند افراد اور خاندانوں کا خاص خیال رکھا جائے۔ پولیس اور سرحدوں کی حفاظت کرنے والے جوان اپنے پیاروں سے دور عید منارہے ہیں۔

وزیراعظم نے کہا کہ حکومت قوم کو لوڈشیڈنگ سے نجات دلانے کے لئے پرعزم ہے۔ عیدالفطر کے تین روز لوڈشیڈنگ نہ کرنے کا حکم دیا ہے تاکہ اہل وطن عید کی خوشیاں بھرپور انداز میں مناسکیں۔

وزیراعظم کا کہنا تھا کہ فلسطین اور مقبوضہ کشمیر کے محکوم مسلمانوں کے لیے بھی دعا ہے کہ ﷲ تعالیٰ انہیں ظلم و جبر سے نجات دلائے اور آزادی کی نعمت سے سرفراز فرمائے۔




Source link

About Daily Multan

Check Also

فواد چوہدری ناسور ہے، پی ٹی آئی کارکنان

فوٹو: گریب/جیو نیوزجہلم میں پاکستان تحریک انصاف کے ناراض کارکنوں نے گرفتار رہنما فواد چوہدری …

Leave a Reply

Your email address will not be published. Required fields are marked *