وزیراعظم شہباز شریف کا عید پر اعلیٰ شخصیات سے رابطہ


وزیرِ اعظم شہباز شریف نے صدرِ مملکت عارف علوی کو ٹیلی فون کیا ہے۔

وزیرِ اعظم شہباز شریف نے صدرِ مملکت عارف علوی کو ٹیلی فون پر عید الفطر کی مبارک باد دی اور ان کی خیریت دریافت کی۔

وزیرِ اعظم شہباز شریف نے سروسز چیفس سے بھی ٹیلی فون پر گفتگو کی ہے۔

وزیرِ اعظم نے چیئرمن جوائنٹ چیفس آف اسٹاف کمیٹی جنرل ندیم رضا، آرمی چیف جنرل قمر جاوید باجوہ، نیول چیف ایڈمرل امجد نیازی اور ایئر چیف ظہیر احمد بابر سندھو کو ٹیلی فون پر عید کی مبارک باد دی ہے۔

وزیرِ اعظم شہباز شریف نے آزاد کشمیر کے وزیرِ اعظم سردار تنویر الیاس کو بھی ٹیلی فون کیا اور عید کی مبارک باد دی۔

انہوں نے وزیرِ اعظم آزاد کشمیر سے گفتگو کے دوران مقبوضہ کشمیر کے عوام پر نمازِ عید کے اجتماعات پر پابندیوں کی شدید مذمت بھی کی۔

وزیرِ اعظم شہباز شریف نے کشمیریوں کو حقِ استصوابِ رائے ملنے تک سیاسی، اخلاقی اور سفارتی حمایت جاری رکھنے کے عزم کا اظہار بھی کیا۔

وزیرِ اعظم شہباز شریف نے تمام اتحادی جماعتوں کے قائدین کو ٹیلی فون کر کے عید کی مبارک باد دی ہے۔

وزیرِ اعظم شہباز شریف نے سابق صدر آصف علی زرداری اور وزیرِ خارجہ بلاول بھٹو زرداری کو فون پر عید کی مبارک باد دی۔

سابق صدر آصف علی زرداری اور بلاول بھٹو زرداری نے وزیرِ اعظم شہباز شریف کو فون کرنے پر شکریہ ادا کیا۔

وزیرِ اعظم شہباز شریف نے پی ڈی ایم کے سربراہ مولانا فضل الرحمٰن سے بھی فون پر گفتگو کی۔

وزیرِ اعظم شہباز شریف نے مولانا فضل الرحمٰن کو عید کی مبارک دی اور ملکی صورتِ حال پر تبادلۂ خیال کیا۔

اس موقع پر مولانا فضل الرحمٰن نے سعودی عرب اور یو اے ای کے کامیاب دوروں پر وزیرِ اعظم شہباز شریف کو مبارک باد پیش کی۔

وزیرِ اعظم شہباز شریف نے ٹیلی فون پر سندھ، خیبر پختون خوا اور گلگت بلتستان کے وزرائے اعلیٰ کو بھی عید کی مبارک باد دی ہے۔

وزیرِ اعظم نے قائم مقام گورنر بلوچستان کو بھی عید کی مبار ک باد دی۔

وزیرِ اعلیٰ بلوچستان عبدالقدوس بزنجو کے بیرونِ ملک دورے پر ہونے کی وجہ سے وزیرِ اعظم شہباز شریف کی ان سے بات نہیں ہو سکی۔

وزیرِ اعظم نے امیرِ جماعت اسلامی سراج الحق، وفاقی وزیر اسعد محمود، محسن داوڑ، خالد مقبول صدیقی، سردار اختر مینگل، پروفیسر ساجد میر، خالد مگسی کو بھی فون کیااور عید کی مبارک باد دی۔

وزیرِ اعظم شہباز شریف نے محمود خان اچکزئی، علی نواز شاہ ، شاہ زین بگٹی، اسلم بھوتانی اور چوہدری سالک حسین سے بھی فون پر گفتگو کی اور عید الفطر کی مبارک باد دی۔

وزیرِ اعظم شہباز شریف نے چوہدری سالک حسین سے ان کے والد چوہدری شجاعت حسین کی خیریت بھی دریافت کی۔




Source link

About Daily Multan

Check Also

شیخ رشید کی رہائش گاہ لال حویلی کے 2 یونٹس سیل

متروکہ وقف املاک راولپنڈی نے سابق وزیر داخلہ اور عوامی مسلم لیگ کے سربراہ شیخ …

Leave a Reply

Your email address will not be published. Required fields are marked *