وزیر مملکت فرخ حبیب نے کھیلوں کے حوالے سے بڑی خوشخبری سنا دی 

وزیر مملکت فرخ حبیب نے کھیلوں کے حوالے سے بڑی خوشخبری سنا دی 

لاہور(ڈیلی پاکستان آن لائن)وزیر مملکت برائے اطلاعات و نشریات فرخ حبیب نے کہا ہے کہ حکومت کھیلوں کے فروغ کے لیے تمام وسائل بروئے کار لا رہی ہے، کامیاب جوان سپورٹس مہم کا آغاز وزیر اعظم عمران خان کے ملک میں کھیلوں کے فروغ کے ویژن کی عکاسی ہے۔

 پنجاب سٹیڈیم میں 42ویں نیشنل کبڈی چیمپئن شپ کی اختتامی تقریب سے خطاب کرتے ہوئے وزیر مملکت نے کہا کہ کھیل نہ صرف مثبت سوچ پیدا کرتے ہیں بلکہ انسانی ذہن کو صحت مند اور مضبوط بناتے ہیں، کھیلوں کی سرگرمیوں سے ہی ایک صحت مند معاشرہ تشکیل پاتا ہے۔ انہوں نے کہا کہ ماضی میں کسی حکومت نے نوجوانوں اور کھیلوں کو قریب لانے کے لیے کوئی قدم نہیں اٹھایا،موجوہ حکومت کھیلوں کے فروغ کے لیے تمام وسائل بروئے کار لا رہی ہے، سپورٹس مہم کے تحت ملک بھر کے تمام گرانڈز میں کھیلوں کی سرگرمیاں منعقد کی جا رہی ہیں، ٹیلنٹ ڈرائیو کا آغاز کیا جا رہا ہے جس کے تحت 12 گیمز مردوں اور 10 خواتین سے متعلق ہیں،25 ریجنز سے بہترین باصلاحیت کھلاڑیوں کا انتخاب کیا جائے گا، منتخب باصلاحیت کھلاڑیوں کو کامیاب جوان پروگرام کے تحت تعمیر کی جانے والی 12 سپورٹس اکیڈمیوں میں تربیت دی جائے گی اور ساتھ ہی ایک اعلی کارکردگی کی اکیڈمی بھی بنائی جائے گی۔

 فرخ حبیب نے کہا کہ کامیاب جوان پروگرام کے تحت گراس روٹ لیول سے کھلاڑیوں کی تربیت اور فروغ کے لیے ایک مکمل نظام وضع کیا گیا ہے، کھلاڑیوں کو قومی اور بین الاقوامی سطح پر کارکردگی دکھانے کی تربیت دی جائے گی، تین سالوں کے دوران پنجاب کی وزارت کھیل نے کھیل کے میدانوں کو 100 فیصد تک بڑھا دیا ہے، ہاکی کے لیے ایک ہائی پرفارمنس اکیڈمی کے علاوہ ایک سنٹر آف ایکسیلنس بھی بنایا جا رہا ہے جبکہ سیالکوٹ اور فیصل آباد میں ایک سکواش اکیڈمی اور دو ہائی پرفارمنس کرکٹ اکیڈمیاں بھی بنائی جا رہی ہیں۔ انہوں نے کہا کہ اسی وینیو پر 2020ء میں پاکستان کبڈی ٹیم ورلڈ چیمپئن بنی تھی۔بعد ازاں وزیر مملکت نے فائنل کبڈی میچ جیتنے والوں میں انعامات بھی تقسیم کئے۔پاکستان کبڈی فیڈریشن کے صدر چوہدری شافع حسین اور دیگر بھی موجود تھے۔

مزید :

کھیلعلاقائیپنجابلاہور




Source link

About Daily Multan

Check Also

وزیر اعلیٰ پنجاب چودھری پرویزالٰہی کا صوبے بھر میں انسداد ڈینگی کیلئے مؤثر مہم چلانے کا حکم 

وزیر اعلیٰ پنجاب چودھری پرویزالٰہی کا صوبے بھر میں انسداد ڈینگی کیلئے مؤثر … لاہور …

Leave a Reply

Your email address will not be published.