پرویز اور مونس الہٰی کی عمران خان کیخلاف پرچہ کٹنے کی مذمت


اسپیکر پنجاب اسمبلی چوہدری پرویز الہٰی اورمونس الہٰی نے عمران خان کے خلاف ایف آئی آر درج کرنے کی مذمت کی۔

چوہدری پرویز الہٰی کا کہنا ہے کہ مسجد نبویﷺ میں پیش آنے والے واقعے سے عمران خان کا کیا تعلق ہے، فسطائی حکومت کا عمران خان کے خلاف ایف آئی آر درج کرنا نہایت ہی بھونڈی حرکت ہے۔

انہوں نے کہا کہ شریفوں نے نہ تاریخ سے سبق سیکھا نہ ہی اپنی حرکتوں سے باز آئے، واقعے کی رات عمران خان اور ان کے کارکن شب دعا میں مصروف تھے۔

ان کا کہنا تھا کہ عمران خان نے اقوام متحدہ میں اسلامو فوبیا کے خلاف قرارداد منظور کرائی، یہ وہ اعزاز ہے جس کی توفیق عمران خان جیسے سچے عاشق رسولﷺ ہی کو نصیب ہو سکتی ہے۔

مونس الہٰی کا کہنا ہے کہ انتقامی سیاست کو شریف برادران نے اپنا وتیرہ بنا لیا ہے، وہ انتقامی ہتھکنڈوں سے باز رہیں۔

مونس الہٰی نے کہا کہ عمران خان واضح اعلان کر چکے ہیں کہ وہ اس طرح کی ہدایت دینے کا تصور بھی نہیں کرسکتے، عمران خان مسجد نبویﷺ میں پیش آنے والے واقعے پر اپنا دوٹوک موقف دے چکے ہیں۔

انہوں نے کہا کہ تحفظ ناموس ر سالت ﷺ کیلئے عمران خان ایک عالمی آواز بن کر ابھرے ہیں، وہ عشق نبویﷺ سے سرشار ہیں۔

ان کا کہنا تھا کہ امپورٹڈ حکومت مذہب کارڈ کھیل کر خطرناک اقدام کررہی ہے۔




Source link

About Daily Multan

Check Also

بیلہ، مسافر کوچ کھائی میں جاگری، 2 افراد جاں بحق

فوٹو: گریب/ جیو نیوز بلوچستان کے علاقے بیلہ میں چینکی اسٹاپ کے قریب مسافر کوچ …

Leave a Reply

Your email address will not be published. Required fields are marked *