ہائیکورٹ نےFIAکو بشیر میمن کیخلاف تادیبی کارروائی سے روک دیا


لاہور ہائیکورٹ نے ایف آئی اے کو سابق ڈی جی ایف آئی اے بشیر میمن کے خلاف تادیبی کارروائی سے روک دیا ہے۔

جسٹس امجد رفیق نے لاہور ہائیکورٹ میں بشیر میمن کے ایف آئی اے سے انکوائریز کا ریکارڈ طلب کرنے سے متعلق درخواست پر سماعت کی۔

عدالت نے ایف آئی اے کو بشیر میمن کی انکوائریز کا ریکارڈ فراہم کرنے کا حکم دیا اور اسے نوٹس جاری کرکے 3 فروری کو جواب طلب کرلیا۔

واضح رہے کہ سابق ڈی جی ایف آئی اے بشیر میمن نے سندھ ہائی کورٹ میں دائر ضمانت کی درخواست میں مؤقف اختیار کیا تھا کہ ایف آئی اے ایسی دستاویزات پیش کرنے کیلئے دباؤ ڈال رہی ہے جو ان کے پاس نہیں ہیں۔

عدالت نے انہیں 50 ہزار روپے کے ضمانتی مچلکے جمع کرانے کی ہدایت کرتے ہوئے 15 روز میں متعلقہ عدالت میں حاضر ہونے کا حکم دیا تھا۔

ایف آئی اے حکام کا موقف ہے کہ بشیر میمن کئی الزامات کا سامنا کررہے ہیں جس میں عمر فاروق ظہور سے قریبی تعلق بھی شامل ہے جومنی لانڈرنگ میں ملوث ہے، انہوں نے بتایا کہ مبینہ طور پر بشیر میمن نے عمر ظہور کا نام ریڈ نوٹس سے نکالنے کیلئے انٹرپول کو خط لکھا تھا۔

ایف آئی اے حکام کے مطابق عمر فاروق ظہور سوئٹزر لینڈ، ناروے، ترکی اور دیگر ممالک کے قانون نافذ کرنے والےاداروں کو مطلوب ہے۔




Source link

About Daily Multan

Check Also

چیرٹی دینے والوں کو پتا نہیں تھا کہ پیسہ پی ٹی آئی کو ملا، سائمن کلارک

پی ٹی آئی فارن فنڈنگ سے متعلق خبر دینے والے فائنشل ٹائمز کے صحافی سائمن …

Leave a Reply

Your email address will not be published.