یوکرین سے ہمدردری ہے لیکن پاکستان کے اپنے داخلی و علاقائی مسائل ہیں، وزیر خارجہ

وزیر خارجہ بلاول بھٹو زرداری کا انٹرویو دیتے ہوئے ایک انداز۔

وزیر خارجہ بلاول بھٹو زرداری کا کہنا ہے کہ یوکرین سے ہمدردری ہے لیکن پاکستان کے اپنے بہت سے داخلی اور علاقائی مسائل ہیں۔

سنگاپور کے میڈیا کو انٹرویو دیتے ہوئے وزیر خارجہ نے کہا کہ پاکستان جانتا ہے کہ تباہی کیا ہوتی ہے، ہم کسی اور طویل جنگ میں شامل نہیں ہونا چاہتے۔

ان کا کہنا تھا کہ ہم تنازعات سے تھک چکے ہیں، دوسروں کے تنازعات کا حصہ بننا نہیں چاہتے۔

انہوں نے کہا کہ عالمی توجہ افغانستان سے جلدی ہٹ کر یوکرین پر چلی گئی ہے۔

بلاول بھٹو زرداری نے کہا کہ افغان پناہ گزینوں کی جگہ یوکرینی پناہ گزینوں، افغان امداد کی جگہ یوکرینی امداد نے لے لی ہے۔

انہوں نے مزید کہا کہ چین کے ساتھ ہمارے اشتراک میں بے پناہ معاشی مواقع ہیں، سی پیک سے ہمارے مواصلات اور توانائی کے انفرااسٹرکچر نے گزشتہ عشرے میں بہت فروغ پایا۔




Source link

About Daily Multan

Check Also

ہم نے بطور ریاست طالبان کے اقتدار پر جشن منایا، محسن داوڑ

رکن قومی اسمبلی محسن داوڑ نے کہا ہے کہ ہم نے بطور ریاست افغان طالبان …

Leave a Reply

Your email address will not be published. Required fields are marked *